KALUHA NGA LAIN ANG AMAHAN

USA ka 19 anyos nga taga Brazil ang nanganak og kaluha nga lain-lain ang amahan. Niangkon ang maong babaye nga nakighilawas siya sa duha ka lalaki sa susamang adlaw.

Matud pa sa inahan, nagduda siya sa dihang nakabantay siya nga dili parehas og nawong ang iyang kaluha. Tungod niini nag-pa-paternity test siya sa iyang mga anak para masuta kung sakto ba ang iyang duda. 

Matud pa sa maong inahana, wala siya magtuo nga posible diayng manganak og kaluha nga dili parehas ang amahan.

Ang iyang doktor nga si Dr. Tulio Jorge Franco nagkanayon nga talagsaon ra ang maong panghitabo, anaa ray usa ka kaso sa usa ka million nga insidente. 

Matud pa sa inahan nasuta sa paternity test nga ang duha ka lalaki nga iyang gikadug sa adlaw nga nasudlan siya, maoy mga amahan sa iyang kaluha.

Ang maong panghitabo gitatwag og “heteropaternal superfecundation.” 

Ang usa sa mga amahan sa kaluha mibarung sa iyang pagka-amahan. Wala pa masuta kung unsay role sa usa ka amahan.