International climate activist Greta Thunberg nagkanayon nga dili makuha sa Pilipinas ang climate justice ubos sa administrasyong Marcos.
Matud pa ni Thunberg uban ang iyang kauban nga si Alde Nilsson ug Mitzi Tan, ang climate justice dili makuha sa pasista nga gobyerno.
"We cannot attain climate justice under fascist leaders," ni Thunberg pa sa usa ka video message atol sa protesta sa University of the Philippines Diliman niadtong Mierkules, ang ika-50 nga anibersaryo sa Marcial Law.
Matud pa ni Tan walay kausaban sukad sa paglingkod ni Marcos Sr. ug karon sa iyang anak nga si Marcos Jr.
Mihatag si Thunberg sa iyang suporta sa mga Pilipinong aktibista nga nagpadayon sa pagbantay sa demokrasya ug sa climate justice sa nasud.
"We stand in solidarity with the martial law victims seeking justice and the human rights defenders who seek the democratic rights of people and climate justice," niya pa.
"We stand in solidarity with environmental defenders in the Philippines," matud pa ni Nilsson.
Ang pagdeklarar sa Martial Law sa panahon ni Ferdinand Marcos Sr. nagsugod sa kangitngit sa kasaysayan sa Pilipinas. Tungod niini liboan ka mga Pilipino nga wala mouyon sa diktadoryang gobyerno ang gipangsikop ug gipamatay. Samtang ang gobyerno nagpadayon og pagpangawat, pagkontrolar sa media ug mga negosyo.
Matud pa sa Amnesty International anaa sa 70,000 ka mga tawo ang napriso, 34,000 ang gi-torture ug sobra sa 3,200 ang mga gipamatay sa panahon sa Martial Law.
Ang pagpatay ni kanhi Sen. Ninoy Aquino niadtong Agusto 1983 maoy nagsugod sa dagkong mga protesta nga hinungdan sa pagkapapha kang Marcos Sr. sa pwesto niadtong Pebrero 1986, ang panahon sa People Power Revolution.
Comments
Post a Comment