GIYA SA ONLINE REGISTRATION SA DSWD FINANCIAL ASSISTANCE

BUKSAN na pagbalik ang pagpangparehistro online sa DSWD financial assistance sa rehiyon siete sugod alas 12 sa udto sa Sityembre 10, 2022, adlawng Sabado. Isirado dayun kini kung makuha na ang target nga beneficiaries sa maong ahensiya. 

Ania ang step-by-step process unsaon pagparehistro online. Andama ang smart phone nga adunay internet data.

1. Itunong ang camera sa smart phone sa QR Code nga naa sa ubos:

QR Code sa DSWD Financial Assistance Form

2. Adunay square ang camera, itunong kana sa QR Code aron mogawas ang docs.google.com 

3. Og mogawas na ang docs.google.com, i-click kini:

4. Inig click nimo sa link, molahos kini sa registration form sa DSWD. Mao kini ang dagway:

Mogawas ang porma kung magbukas na kini og balik

5. Inig bukas sa Request Form, pwede naka mo-fill up. Andama lang ang mosunod: ID, enrollment slip ug uban pa. 

Alas 12 sa udto magbukas ang maong registration link, busa pag-andam na sayo pa lang kay isirado ra sab dayon kini kung mapuno na.

Hangyo sa DSWD nga ang human na og fill-up, dili na mo-fill up og balik para mahatagan og higayon ang mga wala pa.